الأولويات في نظر الطفل

وصلنا البيت انا و بنوتي بعد يوم طويل وكان علينا حاجات كتير محتاجة تتعمل، سالي كانت داخلة تبدأ بأمور أقل أهمية و ممكن تتأجل لقبل النوم علي طول بس كانت مصممة عليها. و الحمد لله كنت متفهمة إن تصميمها ده نابع من عدم معرفتها بفكرة الأولويات. الحقيقة كانت فرصة طيبة إني اتكلم معاها عنها.. ⁦قولتلها قبل ما تبدأي في أي حاجة، ايه أصلاً كل الحاجات اللي عليكي تعمليها، ⁩ وبعدها سألتها عن أهمهم، و كان ردها بحاجة هي حابة تبدأ بيها لكنها مش الحاجة الأهم دلوقتي.. (كانت عايزة تحضر شنطة المدرسة، و كانت صلاة العشاء هي الأهم طبعاً). ⁦▪️فحاولت بأبسط الكلمات أوضح لها الفرق بين إني اقوم بحاجة أنا (حباها) و بين إني أقوم بالحاجة الأهم دلوقتي، و كمان وضحت ليها ليه مثلاً الصلاة دلوقتي الأهم لأنها مثلاً مرتبطة بوقت، و لو وقتها عدي فكدة شكراً. غير طبعاً فكرة إن الصلاة فرض عليها، و إننا بنُسأل عنها. ⁦▪️و منها رجعت فهمتها، إزاي ترتب أولوياتها على حسب الوقت اللي هي فيه، فسألتها مثلاً لو مفيش هنا صلاة، تفتكري هيكون ايه الأهم دلوقتي إنه يتعمل..... و الحقيقة قعدت أعطي ليها أمثلة كتير لأكتر من موقف بتتعرض له في يومها.. و أسيب لها مساحة نقاش و رد و أسأل هااا هنا في الموقف ده تفتكري أية أولي إنه يتعمل !! و هكذا.. و بالنهاية خالص ممكن نعطي مثال .. زي: - الإناء = الوقت. - الصخور الكبيرة = المهام الأكثر أهمية. - الحصي الصغير = المهام الأقل أهمية. - الرمل = الأمور الغير مهمة. و نشرح الفرق بين ترتيب الإنائين للطفل.. حتي يزيد استيعابه للفكرة و يقدر يطبقها إن شاء الله.. و إنه يلاحظ الإناء الثاني بعض المهام الأكثر أهمية منفعش إنها تدخل بالإناء لإننا رتبناه من البداية بشكل خاطيء.. متستعجليش، الأمر محتاج متابعة من وقت للتاني منك لكنه مش مستحيل💚 لإنها مهارة زي أي مهارة الطفل بيكتسبها واحدة واحدة بالتدريب😉

الأولويات في نظر الطفل

هل أنت مُعلم أو مدرب؟