جدد حماس طفلك

قاعدين بنذاكر. البنت شغالة علي جزء و أنا بتابعها من بعيد و الولد أنا اللي شغالة معاه خطوة خطوة. شغالة معاه علي تعلم الأشكال،الجو ممل و رتيب الحقيقة.. قوم اييييييية !! - أنا: بقولكم أية.. كل حد فينا يجري يجيب أو يشاور علي حاجة علي شكل دائرة 🔴 - الولاد: إتفقنا 👍 و بحركة سريعة مع حماس و فرحة ناطة من عيونهم😍بدأنا ننفذ الفكرة و رجعنا للمذاكرة تاني لكن بمشاعر غييير 🥰و شوية و كررت نفس الفكرة لكن مع شكل المثلث 🔺 💥اللعب، حس الفكاهة، الحركة البسيطة، كلها حاجات صغيرة لكن - بتفرق كتيييير مع الولاد - بتجدد نشاطهم - بتزيد حماسهم - بتقلل الرتابة و الملل في الوقت 💥بلاش تستهينوا بحاجة من دول مع الولاد في عز مذاكرتهم.. طبيعي الجو العام و مع عودة المذاكرة بعد طووووول انقطاع تبقي عايزة مننا شوية صبر و ابتكار😉👌 💥و متفهمة اللي منكم تقول انا مش شايفة قصادي و عايزة أخلص و..... و...... 💥صدقيني هو هو نفس مجهودك إن مكنش الضغط و الجو المشدود ده أصعب و أتعب الفرق في نفسيتك و نفسية ولادك💚

جدد حماس طفلك

هل أنت مُعلم أو مدرب؟