تم إطلاق تطبيق بناء ، حمّله الآن من هنا

اهتمي بنفسِك أولاً لأجلي يا أمي

"💡الكشاااااااف💡 لما النور بيقطع .. بندور ع كشاف عشان ينور المكان.. لكن مرة شوفتي كشاف بينور المكان و هو مش مشحون قبلها بقدر كافي.. أو فيه بطارية (حجارة) .. أكيد لأ.. بنكون عاملين حسابنا إن الكشاف متظبط عشان لما نحتاجه يبقي مستعد لكده.. أهو انتي الكشاااااف ده. أيوة كشاف البيت كله.. بكل اللي فيه.. إدارته... تنظيمه.. الأولاد.. الزوج.. نضافته.. الأكل..الشرب..الماديات.. و غيرها. طب فكرتي تدي وقت تشحني نفسك من جواكي كويس قبل ما تنوري البيت. 👈مفيش وقت.. لا في بس ضيعتيه في حاجات فرعية كتيــــــــــر فوهمتي نفسك بنفسك إن مفيش وقت. 👈بيصعب عليكي تاخدي و لو ساعة باليوم لنفسك تهتمي بيها .. تقرأي حاجة.. تصلي ركعتين .. تشربي مشروب بتحبيه .. تغمضي و تقولي لأي أفكار بــــــــــــــــــــس.. لا ميصعبش عليكي، ده واجب عليكي نفسك زي ما واجب عليكي تقومي بإنارة البيت. جربي كدة.. حطي اهتمامك بنفسك من ضمن الحاجات اللي عليكي، تقبلي ضغوطاتك وتقلبات مزاجك ومشاعرك. انتي بشر. ▫حبي نفسك ▫إهتمي بروحك ▫وزعي المهام.. ▫فوَّضي لغيرك بعض المهام لما تحسي إنك مش قادرة.. ▫اطلبي المساعدة مش عيب ع فكرة خاااالص.. ▫قولي إنك محتاجة راحة.. ▫اطلبي التقدير و الاهتمام.. اكتبي قائمة بالحاجات اللي بتسعدك و تشحنك و شاركوني بيها و خلوها قصادكم و نفذوا منها حاجة حاجة. جربي كدة ... شوفي همتك بعدها و نفسيتك و انتي بتقومي بباقي واجبات يومك.. شوفي التغير في معاملتك لولادك و لزوجك. نظرتك هتتغير.. حياتك كلها هتتغير للأحسن بإذن الله.. نفسك أولاً.. مش أنانية لكن عشان حابة تعطي اللي حواليكي صح. مين هتبدأ !! مين معانا من دلوقتي و تشحن روحها و نفسها!! مين هتشاركنا بقائمة شحنها 😍 هتقدري .. هتنوري الدنيا صح.. إنتي قدها 💪"

اهتمي بنفسِك أولاً  لأجلي يا أمي

هل أنت مُعلم أو مدرب؟