تم إطلاق تطبيق بناء ، حمّله الآن من هنا

الأخ الأكبر ومسؤولية الصغار

نعلم الأخ يساعد أخوه جميل، يحضنه و يهديه، يلاعبه، يشارك في مهام تخصه، يشتري معانا حاجات لأخوه لكن نوكل لطفل مسئولية طفل و نرجع نزعقله لو غلط ده موضوع تاني خالص مينفعش طفل يبقى مسئول عن إن أخوه ميقعش ولا ميتعورش ولا ميتوهش في النادي.. الأخ الأكبر طفل زي أي طفل بيسرح و بيلعب و بيتشتت و مهاراته على قده، إذا كان الكبار بيغفلوا عن ولادهم إزاي طفل هينجح في المهمة دي! و لو ساب كل حاجة و قرر ميلعبش و يعيش دور الأهل في المراقبة هل ده صحي؟ هل هيعرف يعمل ده بإتزان ولا لما يعيش دور الأهل و يلاحق أخوه و يعدل عليه في كل صغيرة و كبيرة ، هننتقده برضه و نقوله سيب أخوك في حاله؟ الأطفال بيكونوا عن نفسهم قرارات من تجاربهم، لما بنحطهم في تجارب مش مقاسهم بيتهزوا و يفترضوا في نفسهم عدم القدرة في حاجة أصلا الطبيعي إنها مش بتاعتهم و ميقدروش عليها. كأننا بنهز ثقتهم في نفسهم و إحنا مش حاسين فبشويش ❤️ #منة_صلاح_نجم

الأخ الأكبر ومسؤولية الصغار

هل أنت مُعلم أو مدرب؟