تم إطلاق تطبيق بناء ، حمّله الآن من هنا

الرسم مهارة بنتعلمها ، ولا موهبة بنتولد بيها؟

الرسم مهارة بنكتسبها ولا موهبة بنتولد بيها؟ 🤔 في البداية لازم نعرف إن الرسم هو لغة من لغات التعبير عن النفس بيستخدمها الكبار والأطفال، بيقدروا من خلالها يترجموا مشاعرهم ويعبروا عن أحاسيسهم وأحلامهم وساعات كتير بيعبروا عن مخاوفهم وحزنهم 🥺 فيه أطفال كتير عندها القدرة والموهبة إنهم يعبروا عن مشاعرهم من خلال الرسم ، وأطفال تانية ماعندهاش الموهبة بس بتتعلم إزاي ترسم وبيقدروا بعد فترة تجارب وتعليم إنهم يرسموا لأن الرسم بيعتمد على مهارات يدوية وعقلية ، وتجارب كتير ومزج الألوان وتقدير النسب والأحجام. وعشان كدة نقدر نقول إن الموهبة لوحدها مش كفاية، الموهبة محتاجة تعلم وصبر وتجارب 👌 موهبة الرسم عشان تبقى ظاهرة وقوية ومؤثرة، لازم يتم تنميتها وتعلمها ومعرفة قواعدها 👍 والعكس صحيح، الطفل اللي ماعندوش الموهبة، بس توفرت له فرصة التعلم وتنمية المهارة والتجارب والخبرات، هيبقى متميز حتى لو ماعندوش الموهبة 👏 باختصار نقدر نقول إن إجابة السؤال هو الاتنين ..(الرسم موهبة ومهارة في نفس الوقت) 😍 طيب سؤال .. ابني هيستفاد إيه من الرسم؟ 🤔 الرسم حاجة كدة زي العلاج النفسي ☺️ ✅ أول حاجة هيقلل من وقت الشاشات والموبايل والتابلت والحاجات دي كلها ✅ هيخلي المخ نشط إنه يبتكر ويفكر ويتخيل ✅الرسم بيعزز عملية الاستكشاف وينمي الجانب النفسي والعاطفي لشخصيته ✅ وبيطور المهارات العقلية والحركية للطفل ✅ الرسم وسيلة ممتازة لتفريغ طاقات الأولاد، اسمعي مني .. وسيلة مجربة 🤓 وفيه دراسات بتقول إن الأطفال وقت الرسم بتستخدم النصف الأيمن والنصف الأيسر من الدماغ، وده بيطور مهارات الكتابة والتفكير والذاكرة 💪 طيب إزاي تنمي مهارة الرسم عند طفلك؟ ١- أول حاجة لازم تديله الأمااااان إنه مسموح له يرسم ويلون (مش لازم على الحيطان يعني ) بس بلاش نقتل أي بذرة موهبة عند العيال 🤭 ٢- تشتريله ورق وألوان .. أي ورق وأي ألوان .. بلاش الحنتفة في أنواع غالية ومش لازم كراسة رسم .. أي ورق يا فندم 😅 ٣- نديله شوية وقت ونقعد نرسم معاه .. مش مهم يكون رسمك حلو .. المهم إننا نديله مساحة نفسية ومكانية يرسم ويلون فيها 🤗 مثلا ممكن نخصص للأطفال حائط كامل في غرفتهم يرسموا ويلونوا عليه .. بعض الفوضى مفيدة جدًا للأولاد (بعد شهر من الشخبطة والإبداع ممكن ندهن الحيطة عادي 😅 ) وممكن مثلا نعلق ورق مقوى على الحائط ونسيبهم ينطلقوا 🥳 فيه أفكار كتير أوي .. المهم يكون عندك استعداد 💪 ٤- ممكن نعلم الأولاد الرسم على أصوله .. فيه ورش عمل كتير بتعلم الرسم وفيه فيديوهات يوتيوب كتير مجانًا وفيه كورسات أونلاين وأكيد مش محتاجين نقولك إن أكاديمية بناء عاملة كورس حاجة كدة فوق العظمة للأولاد من سن ٧ أو ٨ سنين فيما فوق وسعره ظريف 🥳 أظن كده بقا مفيش حجة 😂 اشتركوا في كورس (فن الرسم بالورقة والقلم) لتعليم الرسم للأطفال والكبار المبتدئين الرابط ده هيعرفكم أكتر عن الكورس https://benaa.academy/course/139 مع كورس الرسم بالورقة والقلم أولادك هيتعلموا الرسم على أصوله 😍 #أكاديمية_بناء #فن_الرسم #تعليم_الرسم_للأطفال

الرسم مهارة بنتعلمها ، ولا موهبة بنتولد بيها؟

هل أنت مُعلم أو مدرب؟