تم إطلاق تطبيق بناء ، حمّله الآن من هنا

مشقة الدنيا

لسلامة و صحة ولادك النفسية متخبيش عليهم حقيقة الدنيا.. اه في مواقفهم الصعبة، نتعاطف معاهم، هنساعدهم يلاقوا حلول، نكون مصدر اطمئنان لهم لكن منكنش طول الوقت بنحمي فيهم من المشاعر المختلفة و المواقف الصعبة.. مهم نوضح لهم إننا في دنيا و إن الدنيا جبلت علي المشقة و الكبد.. من الخطأ إننا نورث لولادنا ان الدنيا سهلة و وردية ومع أول موقف صعب عليهم يتصدموا، ميعرفوش يواجهوا.. و من جانب آخر نعلمهم اللجوء لله سبحانه و تعالى، الدعاء، الصبر، حسن الظن بالله، و الرضا بالقضاء. ميكنش شغلنا معاهم فقط علي الحلول المادية الدنيوية!! و ده كله نقدر نغرسه فيهم من خلال: ▪️اقتناصنا للمواقف الحياتية المختلفة، اتناقش معاهم فيها، متعديش كدة و خلاص. ▪️اشركهم في أي أزمة أسرية بنمر بيها، مخبيش عليهم. و في نفس الوقت موصلهاش بطريقة فيها ذعر لهم. ▪️أحملهم مسؤوليات، تكبر و تزيد مع كل مرحلة عمرية، مشيلش أنا و والدهم كل حاجة عنهم و هما يستقبلوا علي الجاهز !! ▪️أعطي لهم مسؤوليات مهما كانت تافهة في نظري لكنها مع الوقت هتفرق في تكوين شخصيتهم في المستقبل. ▪️ناخد برأيهم في مواقفنا المختلفة، و يا سلام لو أعمل بيه مش مجرد رأي و اتقال و السلام. ▪️نكون قدوة لهم، يشوفوا بعينهم ازاي بنتعامل مع المواقف المختلفة، يشوفوا فينا الصبر في البلاء، و الاستعانة بالله و التوكل عليه. ▪️نكلمهم و نعلمهم عن عبادات القلوب، و عن أسماء الله الحسنى.

مشقة الدنيا

هل أنت مُعلم أو مدرب؟