معظم الناس بتحب تزين بيوتها بالورود والأزهار ومختلف النباتات اللي بتنمو بعيدا عن أشعة الشمس، وهذه النباتات من الأزهار والورود وغيرها اسمها نباتاتِ الظِّل،و شكلها بيبقي أجمل بكثيرٍ من النباتات البلاستيكيّةِ التي تشبه النباتات الحقيقية في شكلها إلّا أنها خالية من الحياة. أولادنا زينة الحياة الدنيا بس مش نباتات ظل يعني محتاجين يخرجوا للحياة و يتفاعلوا معاها. وجودهم مدة طويلة في المنزل بيهدد صحتهم النفسية و البدنية و يعيق تطورهم ونموهم. اللعب خارج المنزل يحفز خيال الطفل و يساعد في تطور مهارات الطفل الحركية والعقلية. الطفل محتاج أشعة الشمس عشان فيتامين د اللي بيساهم بشكل كبير في نموه و تقويه عظامه و عضلاته و بيحتاج الهواء المتجدد بالخارج اللي بيمده بالأكسجين اللي محتاجه جهازه التنفسي و المخ و جهازه المناعي كمان الطفل محتاج يجري و يلعب و يفرغ الطاقة اللي عنده عشان ميبقاش عصبي و متوتر و مكبوت، محتاج يقابل أطفال في نفس عمره يلعب معاهم وده بينمي مهارة التواصل مع الآخرين و بيخليه عنده شخصية قوية وشجاعة، ويقدر يتفاعل مع العالم الخارجي بسهولة و يكتسب مهارات اجتماعية جديدة.. ضوء النهار والحركة نعمة كبيرة بيساعدوا الجسم على إنتاج المزيد من هورمونات السعادة، وبالتالي فإن المشي و الجري و اللعب في الهواء الطلق يحسن الحالة المزاجية و يحسن الشهية و يزيد من استقرار النوم ليلا .
أبناؤنا ليسوا نباتات ظل
