تم إطلاق تطبيق بناء ، حمّله الآن من هنا

أثر التشجيع

"طنط طنط.. شوفيني" دي كانت جملة بنوتة جميلة زميلة بنتي بالتدريب، عجبني لها تمرينة عملتها، فروحت صفقت لها 👏من برا و عملتلها كدة(👍). البنت عينها لمعت، و ضحكت، و بقت كل ما يجي دورها في تمرينة معينة تبصلي، و لو مكنتش واخدة بالي، تفضل تنادي عليا "طنط طنط شوفيني".. و في البريك، تجري عليا تقولي الإسكور بتاعها في اللعب مثلاً: انا جبت ٥ سكور و واحدة غلط خالص و اتنين مش قوي.. فأبتسم لها و أشجعها أكتر إنها تستعين بالله كدة و تركز و هتقدر 💪 كنت متخيلة إن البنت هي يومها بس اللي هتهتم اني أتابعها، لكن اتفاجأت إنه بقي فارق معاها مجرد اهتمامي بإني أركز معاها من برا حتى لو مش هعلق علي أي حاجة. 🌸التشجيع... و إظهار الاهتمام🌸 التشجيع و الاهتمام واحد من لغات الحب.. 🌸التشجيع و الاهتمام من الأمور الفارقة في نفوس البشر عموماً.. - بيفرق في النفسية. - بيعطي ثقة بالنفس. - بيطور من المهارات. - بيعطي طاقة إنك عايز تقدم أكتر و أفضل ما عندك.. أنا شخصياً لما ألاقي تشجيع و اهتمام و تقدير بقدر أستمر مهما كان الأمر صعب أو تقيل عليا حتى لو كان في شكل مجرد كلمة شكراً أو تعليق أو لايك ع بوست حتي !! ما بالنا بالصغار !! تفتكروا هيفرق معاهم إزاي و هما لسه في أولى خطواتهم في الحياة 🌸و مننساش نذكرهم إنهم يحمدوا ربنا وإن الحاجة اللي شجعناهم عليها في الأول و في الأخر هي توفيق من الله سبحانه و تعالي تستحق حمده و شكر نعمه💙 🌸ركزوا علي الحلو في ولادكم 🌸عززوه بتشجيعكم 💙💙 🌸و هتشوفوا الفرق بنفسكم👌

أثر التشجيع

هل أنت مُعلم أو مدرب؟