بيوت عمرانة

تربية الأبناء من الأمور الصعبة اللي محتاجة جهد كبير وبيئة مستقرة. قبل البدء في خطوات تربية الأبناء السوية لازم نتأكد إن بيئة البيت مستقرة وقادرة على إنها توجه الأبناء نحو البناء السليم. عشان كدة فكرة كورس بيوت عمرانة إننا نتأكد من بناء البيت ونحافظ على استقراره. الحياة الزوجية فيها الكثير من التحديات اللي محتاجة مننا نتعامل معاها، مشكلات يومية بتحصل، خناقات كتير واضطراب في البيت ، وغالبًا الخناق لأسباب بسيطة. كل طرف متمسك برأيه ومش عايز يتنازل ، كل طرف شايف نفسه صح والطرف التاني هو اللي غلط!! في كورس بيوت عمرانة، هنقدر نوصل لحل مشكلات كتير بتقابلنا في حياتنا الزوجية، عشان نحافظ على استقرار بيوتنا. هنقدر نفهم إيه هو أساس الخلاف ونحط إيدينا عليه من جذروه. هنعرف إزاي ندير أفكارنا ومشاعرنا وقت الخلاف ونعرف الخلاف ده ممكن يسبب إيه. هنتعلم طريقة تسهل علينا نفهم ونقدر مواقف ومشاعر بعض وبالتالي تبقى قلوبنا على قلوب بعض. هنتدرب إزاي نوصل لحل يرضينا احنا الاتنين ونطلع مع بعض سوا كسبانين. هنتعلم أساليب وطرق مدروسة هتسهل علينا ندير خلافاتنا بطريقة توصلنا لبر الأمان وتبعدنا عن أي حيطة سد. وده من خلال : 🍃معرفة الفرق بين طبيعة الذكر والأنثى. 🍃إدارة الحوار والاستماع للفهم وليس للرد. 🍃معرفة أنواع المشكلات الزوجية والطرق المناسبة للتعامل معها. 🍃الوصول لتسوية مناسبة و مرضية للطرفين بتحديد الأهداف و عرضها وتنفيذ أنسبها للطرفين.